Stigur.is - Stígur Þórhallsson

Fyrir þá sem ekki vissu það þá er ég nýlega hættur að vinna fyrir VALITOR, það var svolítið skrítið að hætta þar, þar sem ég vildi í raun ekkert hætta... en ég var búinn að lofa sjálfum mér og fjölskyldunni að velja aðra hvora vinnuna: 123.is eða VALITOR og ég valdi 123.is eftir miklar pælingar. 

Hef nú ekki náð að vinna mikið heima síðan ég hætti, en ég sé að ég verð að vera duglegur að fara út og gera eitthvað, kíkja í sund eða körfu, heimsækja vini og vandamenn.

En eitt er þó víst að það eru spennandi tímar framundan, planið er að klára 123.is 100%, það ætti að taka allavega næstu 9 mánuðina. 

Sumarfríið var alger snilld, við eyddum miklum tíma með Einari og Hildi og Leif og Ernu - fórum meðal annars í Heiðmörk með krakkana - ég fór með Úlf og Rán í sundnámskeið og þau eru bæði byrjuð að synda og kafa ofan í vatni með opin augun (með gleraugu).

Eftir að ég hætti hjá VALITOR þá hefur af einhverjum ástæðum verið mun léttara að hugsa um heilsuna og ég hef náð að hætta að drekka kók, og svo er nammið næst. 

Ég mun blogga hérna vikulega og segja frá hvernig þetta gengur.

Mæli með að fólk kíki á www.123len.is - fínasta leið til að kaupa lén.

En jæja, þangað til næst - over and out.

Stígur